ពោធិ៍សាត់ ៖ មានករណីស្មានមិនដល់មួយបានកើតឡើងធ្វើឲ្យសមត្ថកិច្ចនគរបាល និង ប្រព័ន្ធតុលាការពិបាកដាក់បន្ទុកទៅលើជនសង្ស័យ ជាជនជាតិខ្មែរឥស្លាមទើបវ័យ១៥ឆ្នាំ ម្នាក់ ដោយសារតែជាតិស្រវឹងនិងមានតណ្ហាពុះកញ្ជ្រោលផងនោះបានលួងលោមកុមារា ដែលជាក្មេងប្រុសដូចគ្នាអាយុ៣ឆ្នាំម្នាក់ រួចធ្វើសកម្មភាពរំលោភតាមរន្ធគូទ រហូតបានសម្រេចបំណងរបស់ខ្លួននៅលើផ្ទះទើបនឹងសង់រួចនៅលើផ្ទះអ្នកដទៃទើបនឹងសង់រួច។
ហេតុការណ៍នេះបានកើតឡើងកាលពីវេលាម៉ោង៥និង៣០នាទីល្ងាចថ្ងៃទី២៣ ខែកុម្ភៈ ឆ្នាំ២០១៤ ស្ថិតក្នុងភូមិចាមថ្មី ឃុំឈើតុំ ស្រុកក្រគរ ខេត្តពោធិ៍សាត់។
លោក ប៊ិន វណ្ណា អធិការស្រុកក្រគរបានឲ្យដឹងថា ជនសង្ស័យដែលចាប់រំលោភភេទដូចគ្នានោះឈ្មោះ យ៉ា ស្រី អាយុ១៥ឆ្នាំ ឯក្មេងប្រុសរងគ្រោះឈ្មោះ សាត រូនី អាយុ៣ឆ្នាំ។ អ្នកទាំង២ជាជនជាតិខ្មែរឥស្លាមដូចគ្នារស់នៅភូមិកើតហេតុខាងលើ។
ជនសង្ស័យបានសារភាពក្រោយពេលនគរបាលចាប់ខ្លួនថា មុនពេលកើតហេតុខ្លួនបានផឹកស្រាស្រវឹង ហើយនឹកឃើញរឿងរួមរ័ក។ រំពេចនោះឃើញក្មេងប្រុសរងគ្រោះខាងលើដើរក្បែរ ស្របពេលដែលខ្លួនកំពុងមានអារម្មណ៍ក៏លូកហោប៉ៅយកលុយ២ពាន់រៀលឲ្យក្មេងនោះទិញស្ករគ្រាប់ រួចល្បួងគេឡើងទៅលើផ្ទះឈ្មោះ តា ដេស ដែលទើបសាងសង់រួចពុំមាននរណានៅ។ ពេលទៅដល់លើផ្ទះខ្លួនក៏ធ្វើសកម្មភាពរំលោភតាមរន្ធគូទ តែត្រូវឪពុកម្តាយក្មេងរងគ្រោះចាប់ប្រគល់ឲ្យនគរបាល បន្ទាប់ពីក្មេងនោះឈឺចាប់ស្រែកយំ។
លោក មោល សុទ្ធ អធិការផ្នែកព្រហ្មទណ្ឌបានឲ្យដឹងថា ករណីនេះតាមការពិនិត្យលោកគឺជនរងគ្រោះត្រូវជនសង្ស័យចាប់រំលោភតាមរន្ធគូទពិតប្រាកដមែន ដោយមានស្នាមហើមរលាក ហើយជនសង្ស័យ នគរបាលយុត្តិធម៌បានបំពេញនីតិវិធីតាមបណ្ដឹងរបស់ក្រុមគ្រួសារជនរងគ្រោះពីបទចាប់រំលោភដើម្បីបញ្ជូនទៅតុលាការ។
លោក តន់ សីហៈតេជ ព្រះរាជអាជ្ញាអមសាលាដំបូងខេត្តពោធិ៍សាត់បានឲ្យកម្ពុជាថ្មីដឹងថា ករណីនេះលោកមិនទាន់ទទួលសំណុំរឿងពីខាងមន្ត្រីនគរបាលយុត្តិធម៌នៅឡើយ តែទោះយ៉ាងណាករណីនេះត្រូវតែមានទោសពីបទប្រើប្រាស់អង្គជាតរឹងទៅរំលោភរុកប្រដាប់ភេទអ្នកដទៃ គឺត្រូវមានទោសចាប់ពី៥ឆ្នាំទៅ១០ឆ្នាំ។ តែបើរំលោភហើយសម្លាប់វិញគឺមានទោសជាប់គុកមួយជីវិត៕